雖然我都好鐘意Mirror… 但作為一個前廣告人，希望奧運過後，廣告商同agency會繼續搵多啲香港運動員賣廣告/做代言人，唔係忽然奧運啦...(攞到獎牌嘅當然值得嘉許！但都好希望可以發掘同支持一啲後起之秀或一啲已經退下來嘅運動員，呢個market好大，睇你點去說故事&用乜方度去sell啫！係咪？)
就算未能夠代表香港出賽嘅，亦唔代表佢哋唔夠努力！ 多謝每一位努力不懈嘅運動員，如張家朗話齋「可以證明香港仍然係得」！呢句說話，喺呢個時期，真係俾到香港人好多力量，仲有「只要盡力、努力，一定可以做到，不要放棄。」❤
亦多謝李麗珊、麥兜同黎根，好多年前已經話咗俾我哋知香港運動員唔係垃圾同臘鴨！
P.S.時間關係，我畫唔到每一位運動員喇(呢場香港漫畫家比賽未起步我就已經輸咗😂)唯有簡單畫，並對我哋香港出品嘅麥兜致敬！
Search